2020來了，做個遲來嘅回顧。
.
今年阿靴最重要嘅事情係進入咗人生另一個階段，由靴仔成為了靴佬，成家立室。今年度亦係唔容易嘅一年，社會發生咗唔少令人痛心嘅事，無論如何，我地都要堅強的一起走下去。
.
或者係這些事情嘅出現，亦令阿靴重新思考自己對事物嘅先後次序。
.
有留意「屎波裝備多」較耐嘅波友都會有可能發現，今年度片可能拍少了，文字post則多了，原因係今年時間不如以往的多，加上自己對製作有一定要求，所以決定重質不重量，要拍就盡能力製作到最好。
.
這個年度，阿靴亦有些打算，作為一個以半興趣性質運作嘅page嚟講，除咗波boot評論同實測外，阿靴都希望做一啲社會層面多少少嘅事，內容就唔講住，希望今年度可以實行得到。
.
感謝一直支持「屎波裝備多」嘅每一位，亦多謝各個合作嘅單位，晌各種支持下令喱個少眾page能夠運作落去，望來年各位仍然大力支持。
.
新年度，「屎波裝備多」亦歡迎不同單位嘅合作，有興趣可以inbox fb/ig，或者email去hkfootballreview@gmail.com傾傾。
.
另外，於足球層面上，今年決定淨係踢足總五人嘅比賽，始終人大了，最大嘅敵人係時間，年紀較大，回復時間較長，生活上也難以兼顧五人同十一人嘅練習。加上，自己對五人足球較為鍾情，兩年前也開始有呢個打算，所以上年度最終下了這個決定。
.
新年度，仍要堅持於有限時間內繼續追求，繼續進步，不忘初衷。
Search